တရုတ်နိုင်ငံတွင် ၁မိနစ်လျှင် (၆) ကောင်နှင့်အထက်ချည်နိုင်သော ဂဏန်းကြိုးချည်ဆရာ၏ တစ်လ၀င်ငွေ ယွမ်ငွေ သောင်းဂဏန်းနှင့်အထက်ရရှိနိုင်

2016-12-21

  တရုတ်နိုင်ငံ၏ ဆောင်းဦးရာသီသည် ဂဏန်းစားသုံးမှုများပြားသောကာလဖြစ်ပြီး ဂဏန်း အတွက် အလုပ်ရှုပ်ဆုံးနှင့်အပင်ပန်းဆုံးသူမှာ ဂဏန်းကြိုးချည်ဆရာများပင်ဖြစ်ပါသည်။ ယခုနှစ် တွင် ဂဏန်းကို ကျွမ်းကျင်စွာ ချည်တတ် သော ဂဏန်းကြိုးချည်ဆရာများအား ကြိုးချည် ရန် အတွက် ခေါ်ဆိုရသည်မှာ အလွန်ပင် ခက်ခဲ လှပြီး ၄င်းတို့၏ ၀င်ငွေလစာမှာလည်း ဒီရေအလား မြင့်တက်လျက် ရှိပါသည်။ လုပ်ငန်းသဘောအရ ၁ မိနစ် လျှင် ဂဏန်း (၆) ကောင်နှင့်အထက်ကို ကျွမ်းကျင်စွာချည်နိုင်သောသူကို ဂဏန်းကြိုးချည်ဆရာဟုခေါ်ကြောင်း ဆူးကျိုးမြို့ရှိ ဂဏန်း ရောင်း ဝယ်သူအချို့၏ ပြောကြားချက်အရ သိရကြောင်း ကျန်းဆူးပြည် နယ် ဆူးကျိုးအသံလွှင့်ဌာနမှ ဖော်ပြခဲ့ပါသည်။ အကယ်၍ ဂဏန်းချည်နှုန်းမြန်ပြီး အပင်ပန်းခံနိုင်သောသူသည် တစ်လလျှင် ယွမ်ငွေသောင်းဂဏန်းနှင့်အထက် ရရှိရန်မှာ လွယ်ကူလှပါသည်။ သို့သော် တစ်နှစ်တာ ကာလ အတွင်း ထိုကဲ့သို့သောလုပ်ခလစာကို နှစ်လကျော်သာ ရရှိနိုင် မည်ဖြစ်ကြောင်း ရန်ချိန်ဟူ ဂဏန်းေ မွးမြူရေးကိုလုပ်ကိုင်သူ၏ ပြောပြချက်အရ သိရပါသည်။

  (Southern Metropolis Daily မှကောက်နှုတ်ဖော်ပြသည်)

Top